Санаи 23 январи соли 2025 дар Муассисаи далатии “Маркази миллии патенту иттилоот”-и Вазорати рушди иқтисод ва савдои Ҷумҳурии Тоҷикистон бо иштироки роҳбарият ва кормандони муассиса ҳамоиш дар мавзȳи «Паёми Президенти Ҷумҳурии Тоҷикистон роҳнамои рушди моликияти зеҳнӣ» оид ба шарҳи паёми Пешвои миллат муҳтарам Эмомалӣ Раҳмон ба Маҷлиси Олии кишвар «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024, баргузор гардид.
Директори муассиса муҳтарам Мирзо Исмоилзода ҷаласаро ифтитоҳ намуда, қайд карданд, ки Асосгузори сулҳу ваҳдати миллӣ – Пешвои Миллат, Президенти Ҷумҳурии Тоҷикистон муҳтарам Эмомалӣ Раҳмон дастовардҳои Ҷумҳурии Тоҷикистонро дар 5 соли сипаригардида ва дурнамои рушди соҳаҳои иқтисоди миллиро барои солҳои минбаъда муайян намуда, барои рушди маориф, тандурустӣ, энергетика ва дигар соҳаҳои муҳими кишвар вазифагузорӣ намуданд. Ҳамзамон, солҳои 2025–2030 «Солҳои рушди иқтисоди рақамӣ ва инноватсия» эълон карда шуд, ки ин иқдом барои тақвияти корҳо дар самти рушди соҳаи моликияти зеҳнӣ дар кишвар мусоидат менамояд.
Дар рафти ҳамоиш, кормандони муассиса доир ба шарҳу тавзеҳи паёми Президенти Ҷумҳурии Тоҷикистон бо маърӯзаҳо суханронӣ намуданд.
